1. 基本裝備：
個人用品：
- 衣服：內衣服及外衣服，用幾多就好個人；
- 風衣：最好有防水功能，可以帶少件雨衣；
- 雨衣：風衣有防水功能可免，最好唔好用雨傘，因為在空曠地方雨傘有同無無分別，一樣濕。就算秋冬季都有機會落雨，戶外無得俾你避雨，建議買7仔便利雨衣，十多元一件，好方便。
- 電筒：一定要，求救都靠佢，夜間更唔少得；
- 鞋：一定會著去呀；
- 拖鞋：方便舒服；
- 睡袋：或者棉被都得，你搬到的話。夜晚睡覺點都要搵的野保下暖掛，不過無都可以用黑色大垃圾膠袋包住自已，都保到暖架，東龍島夜晚好大風架。
- 地蓆：睡得好點
- 個人藥物：特別是止潟藥，試過係荒肚潟你就知味；如果個人有服開咩藥，記著要帶呀，山度無醫生架。
團體用品：
- 營幕
- 營燈：唔同電筒，係營度你好難用電筒照明，搵D座式乾電燈最方便
- 爐同炊具、火機
- 尼龍繩：用途好多，到時你就知
- 急救用品：敷料、紗布唔少得，藥水膠布
- 食物
2. 唔明問咩，估問是營底是否連營，對嗎？如估對可以答你係。
3. 士多有汽水啤酒餐蛋麵，仲有可以包伙食，去度問都唔遲，有炭賣，二十元一包。
4. 一般夜晚十點，friend底可以夜點。
5. 公廁是一個木板旱廁，你有本事可以沖到澡，我就唔得啦。士多有得沖澡，收費的，仲有屋可以租添。
東龍島營地傾斜不平，唔係太大，人多可能唔夠位，而且比較大風同潮濕，防水袋唔少得。東龍島最好玩是釣魚，魚具唔好少，不過士多都有得補給。
8人營：是A字營定蒙古營。蒙古營好easy，架起營骨就會知點起。
A字營就���點技巧，未紮過就祝你好運。要識雙套結同營釘結，唔識就幫你唔到。
只可以話你步驟：先將營底四角有固定在地上，四邊角都有一個繩耳，用營釘固定在地上。
之後支起營柱，用營繩向兩邊開差固定在地上，記著不要分差太開，固定好兩邊營柱再固定營身兩邊營繩。要點就是營繩要四邊平均力度。
唔知你明唔明，有問題可以再問我。
來自: http://hk.knowledge.yahoo.com/question/question?qid=7006102700774
-----------------------------------------以上文章引用自奇摩知識+圖文為原所有人版權所有！如有任何問題請告知站長處理！-------------------------------------------------
----------------------------------------免責宣言：以上文章內容與下方廣告內容無關，單純是廣告欄位！請勿自行做無關的聯想！--------------------------------------------
吹不壞的雨傘訂購網站：http://webfirst.shop.conn.tw/list-3908.html?member=af000017132
文章標籤
全站熱搜
